1. გამყიდველი

შპს „ექსპო შოპ“, ს/ნ 405273332
იურიდიული და ფაქტობრივი მისამართი: ქ. თბილისი, აკაკი წერეთლის გამზ. 49/51/51ა
ელ-ფოსტა: exposhopge@gmail.com
ტელეფონი: +995 595 320 700
სამუშაო საათები: იხ. კონტაქტები

2. საქონელი

საქონლის დასახელება, მწარმოებელი და ძირითადი მახასიათებლები მითითებულია პროდუქტის გვერდზე. ფოტოზე ფერი შეიძლება ოდნავ განსხვავდებოდეს ეკრანის პარამეტრების გამო.

მომხმარებლის ინდივიდუალური შეკვეთით ან ზომებით დამზადებული საქონელი მონიშნულია ნიშნით „ინდივიდუალური შეკვეთა“; მისი დამზადების ვადა მითითებულია პროდუქტის გვერდზე ან შეკვეთისას.

3. ფასი და დამატებითი ხარჯები

პროდუქტის გვერდზე მითითებულია საქონლის სრული ფასი ლარში, დღგ-ს ჩათვლით.

დამატებითი ხარჯები, რომლებიც შეიძლება არ შედიოდეს საქონლის ფასში:

მიწოდება — ღირებულება მითითებულია შეკვეთის გაფორმებისას და გვერდზე მიწოდება;
სართულზე აზიდვა და ავეჯის აწყობა — ღირებულება დამოკიდებულია საქონელზე; მითითებულია პროდუქტის გვერდზე ან გაცნობებთ მენეჯერი შეკვეთის დადასტურებამდე.

ყველა დამატებითი ხარჯის საბოლოო ოდენობას მენეჯერი გიდასტურებთ შეკვეთის დადასტურებამდე. თუ გადახდის რომელიმე საშუალებაზე საკომისიო მოქმედებს, მისი ოდენობა მითითებულია შეკვეთის გაფორმებისას.

კარების მონტაჟს შპს „ექსპო შოპ“ არ ახორციელებს. შეგვიძლია დამოუკიდებელი ხელოსანი გირჩიოთ; მონტაჟის ღირებულებასა და პირობებს მასთან უშუალოდ ათანხმებთ.

4. შეკვეთა და ხელშეკრულების დადება

შეკვეთის გაფორმება შესაძლებელია ვებგვერდზე, ტელეფონით, მესენჯერით ან სოციალური ქსელით. ხელშეკრულება დადებულად ითვლება მენეჯერის მიერ შეკვეთის დადასტურების მომენტიდან.

5. გადახდა

გადახდის ხელმისაწვდომი საშუალებები მითითებულია შეკვეთის გაფორმებისას და გვერდზე გადახდა.

6. მიწოდება

მიწოდების თარიღი და დრო თქვენთან წინასწარ თანხმდება. დისტანციურ ხელშეკრულებაზე უარის თქმის 14-დღიანი ვადა აითვლება საქონლის მიღების დღიდან. გირჩევთ, მიღებისას შეამოწმოთ საქონლის გარეგნული მდგომარეობა და შეფუთვა. დეტალური პირობები — იხ. მიწოდება.

7. ხელშეკრულებაზე უარის თქმა

დისტანციურად დადებულ ხელშეკრულებაზე შეგიძლიათ უარი თქვათ მიზეზის მითითების გარეშე, საქონლის მიღებიდან 14 კალენდარული დღის განმავლობაში. ეს უფლება არ ვრცელდება ინდივიდუალური შეკვეთით ან ზომებით დამზადებულ საქონელზე. უარის თქმისას საქონლის დაბრუნების ხარჯს იხდის მომხმარებელი. სრული პირობები და წესი — იხ. ხელშეკრულებაზე უარის თქმის უფლება; დაბრუნების ფორმა — ხელშეკრულებაზე უარის თქმის (საქონლის დაბრუნების) ფორმა.

8. გარანტია

კანონით გათვალისწინებული გარანტია — 2 წელი საქონლის მიღებიდან. ცალკეულ საქონელზე მოქმედებს მწარმოებლის დამატებითი გარანტია, რომლის ვადა მითითებულია პროდუქტის გვერდზე. ნაკლის აღმოჩენისას უფლება გაქვთ, მოითხოვოთ საქონლის უსასყიდლოდ შეკეთება ან შეცვლა, ხოლო კანონით დადგენილ შემთხვევებში — ფასის შემცირება ან ხელშეკრულებაზე უარის თქმა. საკუთარი სერვის-ცენტრი არ გვაქვს — შეკეთებისა და შეცვლის ყველა საკითხზე მოგვმართეთ ჩვენ. სრული პირობები — იხ. გარანტია და უფლებები ნაკლის აღმოჩენისას.

9. საჩივრების განხილვის წესი

საჩივარი ან მოთხოვნა შეგიძლიათ წარმოადგინოთ:

ელ-ფოსტით: exposhopge@gmail.com
ტელეფონით: +995 595 320 700
წერილობით: შპს „ექსპო შოპ“, ქ. თბილისი, აკაკი წერეთლის გამზ. 49/51/51ა

საჩივარს ვარეგისტრირებთ და მისი მიღებიდან არაუგვიანეს 10 სამუშაო დღისა გაცნობებთ გადაწყვეტილებას წერილობით ან თქვენთვის მოსახერხებელი სხვა ფორმით. თუ თქვენი კანონიერი უფლება დაირღვა, მას აღვადგენთ იმავე ვადაში.

თუ გადაწყვეტილებას არ ეთანხმებით, უფლება გაქვთ, მიმართოთ საქართველოს კონკურენციისა და მომხმარებლის დაცვის სააგენტოს (www.gcca.gov.ge) ან სასამართლოს.

10. პერსონალური მონაცემები

პერსონალური მონაცემების დამუშავების წესი — იხ. პერსონალური მონაცემების დამუშავების პირობები და კონფიდენციალურობა.

11. ენა

ხელშეკრულება იდება ქართულ ენაზე. გვერდის ინგლისური და რუსული ვერსიები მოწოდებულია მოხერხებულობისთვის; მათ შორის შეუსაბამობის შემთხვევაში უპირატესობა ენიჭება ქართულ ვერსიას.

12. პირობების ცვლილება

შეკვეთაზე ვრცელდება ის პირობები, რომლებიც მოქმედებდა შეკვეთის გაფორმების დღეს.